បន្ទាយមានជ័យ៖ ទណ្ឌិតជាប់ឃុំនៅក្នុងពន្ធនាខេត្តបន្ទាយមានជ័យចំនួន១៩នាក់ ត្រូវបានប្រកាសព្រះរាជក្រឹត្យបន្ធូរបន្ថយទោស និងលើកលែងទោស ចំនួន១៩នាក់(ប្រុស) ពី៣ខែ ទៅ ៦ខែ ក្នុងឱកាសពិធីបុណ្យចូលឆ្នាំ ប្រពៃណីជាតិ និងបុណ្យវិសាខបូជា ឆ្នាំ២០២៣។

នេះបើតាមការបញ្ជាក់ឱ្យដឹងពីប្រធានពន្ធនាគារខេត្ត លោក អ៊ុង ស៊ីផាន ក្នុងកិច្ចប្រជុំប្រកាស ព្រះរាជក្រឹត្យបន្ធូរបន្ថយទោស និងលើកលែងទោសក្នុងឱកាសពិធីបុណ្យចូលឆ្នាំ ប្រពៃណីជាតិ និងបុណ្យវិសាខបូជា ក្រោមការចូលរួមពីអភិបាលខេត្តបន្ទាយមានជ័យស្តីទី លោក ង៉ោ ម៉េងជ្រួន នៅព្រឹកថ្ងៃទី១៥ ខែមិថុនា ឆ្នាំ២០២៣ នៅក្នុងពន្ធនាគារខេត្តបន្ទាយមានជ័យស្ថិតនៅភូមិទំនប់ជ្រៃ សង្កាតទឹកថ្លា ក្រុងសិរីសោភ័ណ ខេត្តបន្ទាយមានជ័យ។

ប្រធានពន្ធនាគារខេត្តបន្ទាយមានជ័យ ក៏បានបញ្ជាក់ថា ការបន្ធូបន្ថយទោស និងលើកលែងទោស ដល់ទណ្ឌិតជាប់ឃុំ ក្នុងឱកាសបុណ្យវិសាខបូជា និងបុណ្យចូលឆ្នាំប្រពៃណីជាតិខ្មែរ ឆ្នាំ២០២៣ ចំនួន១៩នាក់។ ការបន្ធូរបន្ថយទោស៣ខែ មានចំនួន១៧នាក់ បន្ធូរបន្ថយទោស៦ ខែ ចំនួន២នាក់។

គួរឱ្យដឹងដែរថា បច្ចុប្បន្នទណ្ឌិតដែលកំពុងជាប់ឃុំនៅក្នុងពន្ធខេត្តបន្ទាយមានជ័យ សរុបមានចំនួន១៦០២ ក្នុងនោះស្រី៨៣៕